Malaybalay City, Bukidnon – Mahimong epektibo na ang kamanduan sa Department of Labor and Employment kon DOLE ang singko minutos nga standing break sa bulan sa Nobyembre.
Sa eksklusibong interview sa RMN Malaybalay ngadto kang Labor Undersecretary Joel Maglunsod gibutyag niini nga human ang high heels order sa departamento, gihingusgan usab karon labor department ang pagbaton sa lima ka minutong ‘standing break’ alang sa mga empleyadong dugay nga naglingkod sa ilang trabaho.
Matud ni Usec. Maglunsod, nga base sa kamanduan ang mga empleyado nga kasagarang nakalingkod kinahanglan nga hatagan sa mga employeer ug 5-minute break kada duha ka oras.
Tumong matud pa niini aron dili mabutang sa alanganin ang kahimsog sa mga trabahante nga kasagaran nga naglingkod sa ilang adlaw-adlaw nga gimbuhaton.
