TACLOBAN CITY – Ginsintensyahan na han Sandiganbayan hin unom ka-tuig nga pagkapreso an lima nga opisyal han lokal nga pamunuan an Tabon-tabon, Leyte.
Ha desisyon ni Associate Justice Bayani Jacinto, napamatud-an nga guilty hira Bids and Awards Committee Member Edgardo Cinco, Luzminda Bibar, Meonilo Reforzado, Ricardo Efren, ngan Alfredo Canonigo in guilty para han 5 counts ha pagtalapas han section 3 han anti-graft and corrupt practices act.
Nag order gihapon an Sandiganbayan nga magbayad an lima nga opisyal ha Local Government hin P272,000.00
Gin-akusahan han Ombudsman an mga BAC Members nga nakakarawat hin tag P34,000 nga honorarium tikang Enero tubtob Mayo 2007, nga ginkokonsidera nga “above the limit” basi ha Department of Budget and Management.
Ha rules han DBM, an honorarium han usa nga BAC Member tikang ha bidding activities in diri malapos ha 25% han ira kada bulan nga sweldo.
