Lima ang patay samtang upat ang samdan sa dogoon nga karambola sa mga sakyanan nga nahitabu sa brgy. Amparo ning syudad sa Butuan kagahapon sa hapon. Usa sa involved- Isuzu D Max pick-up iya sumala pa sa Equiparco Construction Company, kini sigun sa pamahyag ni Senior Inspector Randy Azote, hepe sa Police Station 5.
Nakabangga sa Izuzu D-max kolor puti ang Baja trike kolor yellow, Baja single motor kolor itom ug Suzuki Smash kolor pula, diin gumikan sa karambola nabalintong ang D-max ug maayung pagkaguba sa mga motorsiklo.
Dead on arrival sa Butuan Medical Center (BMC) ang mga biktima nga sila si Renato Ermosa, Belinda Bugnay, Jaime Otaza samtang dead on arrival usab sa MJ Santos Hospital si Rodjen Castillon ug ang driver sa Baja trike nga si Gregory Jaranilla.
Samdan usab sa maong aksidenti sila si Alexander Ybañez, Rosenjean Intao, Josma Tajal ug Jerlan Ginardino kinsa pulos gitambalan sa MJ Santos Hospital ug Agusan del Norte Provincial Hospital ug anaa sa kritikal ang kahimtang.
Bolontaryong misurender sa kwerpo sa kapulisan ang driver sa Izuzu D-max nga si Arnel Gesto Liquin, 35 anyos ug residenti sa brgy. Villakanangga ning syudad sa Butuan alang sa tukmang disposasyon.
Sa karon wala pa’y pamilya sa mga napatay ang mipatim-aw sa Police Station aron pormal nga magdusu ug kaso batok sa nasangpit nga driver.
Sent from my Samsung Galaxy smartphone.
