General Santos City—Mukabat sa 5 ka mga patrol cars, ubay-ubayng pusil ug bala ang giturn-over sa Police Regional Office 12 kagahapong adlawa dungan sa pag-abot ni PNP Chief Director General Oscar Albayalde.
Sumala ni Police Supt. Aldren Gonzales ang Spokesperson sa Police Regional Office-12 nga ang maong mga patrol cars ihatag sa mga Mobile Units sa kapulisan sa rehiyon kansa makatabang sa ilang mga operasyon sa ilang AOR.
Pati ang mga armas ug bala gipang-apud apud usab sa mga Mobile Forces ug uban pang unit sa kapulisan.
Hangyo ni Albayalde ngadto sa kapulisan sa rehiyon nga gamiton ug sakto ang maong mga himan sa ilang mga operasyon.
Nasayran nga dungan sa paghidangat sa labaw sa kapulisan sa nasud kagahapong adlawa adunay gihimong close door meeting diin usa sa mga gihisgutan ang bahin sa seguridad, internal cleansing sa PNP, kampanya batok droga, nagsingabot nga Barangay ug SK election ug daghan pang uban.
