Davao City – Lima katao ang gikonsiderang Persons Under Investigation (PUIs) sa Coronavirus Disease 2019 (COVID)-19 sa Tagum City, Davao del Norte.
Kini ang gibutyag ni Tagum City Mayor Allan Rellon atol sa interbyu kaniya sa Davao City Disaster Radio diin gawas sa PUIs, natala usab ang 127 Persons Under Monitoring (PUMs) sa lugar diin naggikan sumala ang nahisgutan sa kaulohang Manila.
Samtang gi-awhag ni Rellon ang publiko nga padayon abrihan ang mga palengke kung asa mapalit ang nag-unang panginahanglan sa katawhan.
Hinuon sumala sa alkalde, abri gihapon ang mga malls apan angay nga sundon ang protocol nga ginapatuman.
“Ang sa akoa diri, open ang mall mo-follow lang sila sa amoang curfew nga nine o’clock sa gabii to five. Ang supermarket gi-awhag namo nga i-open kay naa diha ang basic nga mga palitonon,” saysay ni Rellon.
Dugang ni Rellon nga ‘activated’ na usab ang ilang barangay health emergency response team nga maoy mututok sa mga ‘concerns’ labot sa COVID-19.
RadyoMaN Kirby Manzon
