General Santos City—sikop sa operatiba sa Philippine Drug Enforcement Agency (PDEA), atol sa gihimong search ug buy–bust operation sa Maasim, Sarangani Province ug Tacurong City sa Sultan Kudarat kagahapong adlawa.
Alas 7:00 sa gabie dihang gihimo ang operasyon sa Purok Rosas, Brgy. Buenaflor, Tacurong City nga miresulta sa pagkasikop sa mga suspek nga silang Angelito Ulangkaya, 57, ballot vendor, John Michael Angelo Ulangkaya, 23, Estudyante, Freeman Ulangkaya, 38 years ug Rahib Abdullatif, 30, negusyante ug residenti sa Malingao, Shariff Aguak, Maguindano.
Narekober sa PDEA ang mukabat sa (30) ka gramo suspected shabu nga nagkantidad ug P330,000.00; pinaugang dahon sa marijuana, ug mga drug Paraphernalia.
Samtang alas 7:50 sa gabie laing operasyon ang gipahigayon sa may Brgy. Tinoto, Maasim, Sarangani Province. Subject sa operasyon mao si Elizia Somatra, 47, negusyante ug residenti sa nasampit nga lugar.
Nakuha sa iyang posisyon ang 10 gramos sa gituohang shabu nga nagkantidad ug P110,000.00. Kalapasan sa Section 11 sa Art. II sa RA 9165 ang ipasang-at kang Elizia Somatra samtang kalapasan sa Sections 5, 11, 13 ug 14, usab ang ipasang-at batok sa upat pa ka mga suspek.
