General Santos City—mukabat sa 50 ka gramos sa gituohang shabu ang nakumpiska sa operatiba sa Philippine Drug Enforcement Agency (PDEA) Regional Office-12 ilawom sa superbisyon ni Director Gil Cesario Castro ug sa Esperanza MPS nga gipangunahan sa PCI Emerson Policarpio gikan sa miyembro sa Moro National Liberation Front (MNLF) atol sa gikasang buy–bust operation niadtong nakalabayng simana sa Barangay Laguinding, Esperanza, Sultan Kudarat.
Sikop ang mga suspek nga silang si Bryan Sapad y Basino, 33, construction worker ug residenti sa maong lugar.Si Sapad makonsiderang High–Value Target ug gikaingong miyembro sa of MNLF.
Sikop usab ang suspek nga si Ryan Dalgan y Ayao, 39, minyo, construction worker ug residenti sa Kitapok, Datu Saudi, Maguindanao. Ang nahisgutan makonsidera gihapon nga high value target sa otoridad.
Nakuha sa posisyon sa ma suspek ang kapin kon kulang (50) ka gramos sa suspected Methamphetamine hydrochloride kon mas nailhan sa tawag nga “shabu” nga dunay estimated market value nga P250,000.00 ug (19) ka buok nga P500.00 bill nga boodle money.
Kasong kalapasan sa Section 5 (Sale of Dangerous Drugs) ug Section 11 (Possession of Dangerous Drugs) sa Article II, ilawom sa RA 9165 (Comprehensive Dangerous Drug Act of 2002) ang ipasang-at nga kaso batok sa mga suspek kansa balhog karon sa silda sa PDEA-12 dinhi sa dakbayan sa Gensan.
