Kabug-usan nga 50 ka balay ang nagkalaguba sa apat ka mga purok sa Brgy. Malingin sa ciudad sang Bago sa paglaslas sang buhawi, Mayo 28 sang hapon.
Sa interview sang DYHB kay Punong Barangay Janeth Yasay, ang mga purok nga ginlabayan sang buhawi amo ang Tondo, Narra, Saging kag Kapayas sa diin 15 ka balay ang totally-damaged kag 60-70 ka pamilya ang apektado.
Ang mga pamilya nga nagkalaguba ang balay ang ginpatiner anay sa barangay hall kag sa day care center sang Malingin.Magahatag naman sang report si Punong Barangay Yasay sa alkalde sang ciudad agud mahibaluan kun anu nga bulig ang ila mahatag sa apektado nga mga residente.
Nahibaluan nga magluwas sa Malingin, ginlabayan man sang buhawi ang Brgy. Atipuluan sa amo nga ciudad.
[image: image.png]
