Mas gipahugtan pa karon sa Bukidnon Police Provincial Office kon BPPO ang gipatumang mga checkpoint ug Comelec gun ban.
Sa interview sa RMN Malaybalay ngadto kang Police Captain Jiselle Longakit ,ang spokesperson sa PNP Provincial Command gibutyag niini nga ubay-ubay na ka mga armas, hinagiban, mga bala ug eksplosibo ang ilang nakumpiska human nga gisugdan ang gun ban kaniadtong Enero 13 hangtod kaniadtong Abril 1.
Matud ni Longakit nga anaa na sa 45 ka mga mugbo nga klase sa armas ilang nakumpiska, 4 ka rifles, M16 ug long firearms, 2 ka shotgun, 5 usab ka improvised homemade shotgun, 900 ka mga bala, 7 ka hait nga hinagiban ug 7 ka mga eksplosibo.
Gipahayag ni Pol/Cpt. Longakit nga ila nang napasaka-an ug kaso ang mga indibidwal nga nakasupak sa gun ban.
Samtang gipahayag usab ni Longakit nga sa karon walay natala ang kapulisan sa Bukidnon sa mga election related incidents human nga nagsugod na ang pagpangampanya sa local nga kandidato kaniadtong Marso 29.
