Davao City – Mokabat sa P375,000 ang damyos sa sunog nga miulbo sa Purok 5, Saypon, Toril, ning syudad sa Davao nahitabo Marso 31, adlaw’ng Domingo.
Sa interbyu kang SFO3 Ramil Gillado, hepe sa fire investigation sa Bureau of Fire Protection-Davao, nagsugod ang sunog sa panimalay nga gipanag-iyahan ni Winnie Villamor alas 10:58 sa gabii.
Misaka sa ikaduhang alarm ang natigayong sunog ug nadeklara nga fire out alas-12:55 sa kadlawon.
Segun ni Gillado nga base sa imbestigasyon napasagdaang gisindihang kandila ang tinubdan sa maong sunog diin 50 ka mga balay ang nalamoy sa kalayo.
Sa pagkakaron nagpadayon ang validation sa City Social Services and Development Office (CSSDO) ngadto sa mga nasunogan aron nga ma-aporan.
Kasamtangan temporaryong gipahiluna usa ang mga nasunogan sa Crossing Bayabas Brgy. Hall sa Toril.
RadyoMaN Jason Amisola
