General Santos City–Mukabat matud pa sa 50 mil ka mga member consumer ang posibleng makabenipesyo sa Pantawid Liwanag Program sa SOCOTECO II karong bulan sa abril kung asa malibre matud pa ang ilahang balayrunon sa kuryente karong bulana.
Sumala pa ni Joy Alora ang tigpamaba sa SOCOTECO II nga mamahimong ma-vail sa usa ka consumer ang maong programa higayon nga sila nagakonsumo ug 50 kilowatt paubus apan ug lampas ang konsumo sa kuryente dili kwalipikado niini ang usa ka Konsumante.
Gipaklaro usab niini nga ang billing lang sa Abril ang mamahimong malibre apan ang billing niadtong March paubus kinahanglan gyud kining bayran sa konsumedor.
Naglaum usab si Joy Alora nga karong bulan sa Mayo makabalik na sila ug reading sa aktwal nga konsumo sa kuryente ugaling ma-lift na ang ginapatuman nga Enhance Community Quarantine sa syudad.(Dave Silagan)
