General Santos City–Mukabat ngadto sa 50 ka mga Police nga naggikan sa walo ka mga Police Station sa Gensan; Mobile Patrol Unit (MPU) ug City Mobile Force Company (CMFC) ang nakahuman sa handgun fire arms proficiency Training nga gilusad sa Gensan City Police Office (GSCPO) bag-uhay lang.
Sumala ni Police Senior Inspector Davis Vincent Dulawan, Spokesperson sa GSCPO nga mahinungdanon alang sa usa ka pulis nga bansayon sa paghupot ug armas gumikan na usab sa ilang trabaho.
Dugang pagbutyag ni PSI Dulawan nga importante gyud alang kanilang mga pulis nga mahimong hanas sa paghupot ug armas.
Parti matud pa sa ilang trabaho mao ang pagprotektar sa katawhan mao nga dili nila buot nga adunay madamay higayon nga aduna silay operasyon nga kinahanglan nilang gamiton ang ilang mga armas.
