General Santos City—Narekober sa tropa sa Kiamba PNP ang mukabat sa 500 board feet sa mga ginabas nga kahoy sa may Barangay Capate, Kiamba, Sarangani Province ala 1:00 ang takna sa kaadlawon niadtong nakalabayng adlaw.
Subay sa report sa Kiamba PNP nasuta nga nakadawat sila ug report gikan sa mga residenti nga matud pa adunay mga tawong nanghakot ug mga ginabas nga kahoy.
Tungod niini paspas nga mirespondi ang kapulisan sa lugar apan paspas nga nakasibat ang mga suspek human nakamatikod sa presensya sa kapulisan.
Ang mga narekober nga ginabas nga kahoy ang gikatakdang iturn-over ngadto sa buhatan sa MENRO Kiamba.
Facebook Comments
