500 ka sako sang bugas, igadonar para sa mga biktima sang linog sa Mindanao!

30

Roxas City, Capiz – Magadonar ang provincial government sang 500 ka sako sang bugas para sa mga biktima sang linog sa Mindanao. Sa interview sang dyVR RMN Roxas, ginsiling ni Vice Governor Jaime Magbanua nga ini ang iya ginproponer kay Capiz Governor Esteban Evan “Nonoy” Contreras. Iini nga bugas ang pagabaklon sa National Food Authority kag didto sa Mindanao iga-withdraw. Suno pa kay Magbanua, bugas ang nagapabilin nga nagapanguna nga kinahanglanon sa subong sang mga biktima sang linog sa Mindanao. Ginpunto ni Magbanua, nga tiun ini agud nga kita bilang mga Capiznon ang magbalik naman san pagbulig sa mga taga-Mindanao nga nagbulig man sa aton sang kita ang ginlaslasan sang kalamidad sang mga nakaligad nga tinuig.

Facebook Comments

From Advertisers