Nagpabuto na usab niadtong Sabado, Pebrero uno, ang Task Group Builders nga gilangkuban sa explosives and ordnance disposal experts sa Armed Forces, og 500-pounds nga bomba sulod sa ground zero o most affected area sa Marawi City.
Ang maong bomba usa sa sa mga eksplosibo nga gihulog, apan wala makabuto, atol sa aerial strike panahon sa Marawi siege niadtong tuig 2017.
Matud pa ni Lt. Col. Elmer Oamil, deputy commander sa Joint Task Group Builder ug commanding officer sa 553rd Engineer Battalion, ang maong 500-pounder bomb nakit-an atol sa gipahigayong debris clearing operations sa Barangay Dansalan.
Miingon si Oamil nga ika-42 na kadto nga bomba nga nakalutan sukad sa gihimong debris clearing operations.
Aron dili makahatag og panic o kahadlok, gibutang ang bomba sa usa ka sarado nga lugar nga dunay six-foot ang gitas-on nga blast wall aron mapugngan ang pagkatag sa mga shrapnel ug fragments.
Posible, matud pa, nga aduna pay daghang bomba sa mga dapit nga wala naapil sa demolition tungod kay wala mitugot ang tag-iya sa mga istraktura. (Divina M. Suson, February 3)
