General Santos City—Gibana-banaang mukabat sa tunga sa milyon ka pesos nga gituuhang peke nga mga sigarilyo ang nakumpiska sa kapulisan human ang gipahigayong operasyon.
Sumala kang Police Senior Inspector Fernando Manuel Jr., hepe sa Police Station 7 ning dakbayan sa Gensan nga nakadawat sila ug impormasyon nga adunay nagapamaligya ug peke nga sigarilyo rason nga girepondihan sa Blk. 8, MC village, Brgy. Fatima ning dakbayan kung asa naaktuhan ang usa ka van nag unload ug mga kinarton sa mga sigarilyo.
Gilayong gikumpiska sa kapulisan ang maong mga karton kung asa mukabat sa 32 ka mga karton ang nakuha gikan sa duha ka mga indibidwal nga nailang sila si Olan Madumadi ug Noel Padilla nga driver sa van.
Gironda man usab sa kapulisan pinaagi sa search warrant ang usa ka cargo services partikular na ang Jades Cargo And Services human masayran nga sa maong buhatan gipaagi ang mukabat sa 70 ka mga karton sa gituuhang peke nga sigarilyo. Apan nagnegatibo human nga mapick up na sa usa ka Hannah Abubakar ang maong mga karton.
Sa karon, ag atubang ug patong-patong nga kaso ang duha ka mga pinakpan nga nagpabilin balhog karon sa lock up cell sa police station ning dakbayan sa Gensan.
