Mukabat ngadto sa sobra 500 ka mga pulis sa probinsya sa Bukidnon ang bag-ong na-promote.
Sa interview sa RMN Malaybalay ngadto kang Pol/Senior Inspector Jisell Longakit, ang spokesperson sa Bukidnon Provincial Police Office, gibutyag niini kagahapon gihimo ang simultaneous Oath Taking and Pinning of Ranks sa mga bag-ong na promote police officer.
Matud ni Longakit nga sa Bukidnon anaa sa 506 ka mga pulis ang newly promoted.
Gikan kini sa ranggo nga PO2 hangtod sa SPO4.
Gipangunahan ang mao nga kalihukan ni PSupt. Benbo Jumalon ang deputy provincial director for administration sa Camp Captain Ramon M. Onahon, Provincial Headquarters ning siyudad sa Malaybalay.
Ang mao nga seremonya gitambungan sa mga personahe sa PNP Bukidnon, asawa sa mga na promote, miyembro sa pamilya ug ilang mga kaliwat ug higala.
