Davao City – Gitinguha sa lokal nga panggamhanan sa Davao nga paspasan pa ang COVID-19 vaccination roll-out aron makab-ot gilayon ang herd immunity aron sa ingon niini mapugngan ang padayong pagsaka sa kaso.
Subay sa datus gikan sa Davao City Vaccination Cluster sa July 4, 2021, mosumada sa 248,285 ang bakunado na sa first dose samtang 52,038 ang fully vaccinated na.
Mokabat sa 300,321 doses ang na-administer sa nagkadaiyang vaccination sites sa syudad, diin 42,996 ka mga healthcare workers (A1) ang nabakunahan sa first dose, 27,247 usab ang fully vaccinated. Ilawom sa A2 category o senior citizens, 73,054 ang naturukan sa first dose ug 13,072 na ang fully vaccinated.
Samtang 94, 828 ka mga persons with comorbidities (A3) ang nakadawat sa unang dose ug 11,579 alang sa ikaduhang doses.
Sa pagsugod sa inoculation drive alang sa A4 group, aduna nay 30,720 eligible individuals ang naka-first dose na samtang 6,685 usab ka indigents ang nabakunahan, 140 ang nakompleto na ang COVID-19 vaccine sa A5 sector partikular na sa mga sakop sa IP communities sa Marilog ning syudad sa Davao.
RadyoMaN Aimee Guinita
