General Santos City— Gilaumang mahatag ang 50 mil nga Financial Assistance ngadto sa mga empleyado sa lokal nga panggamhanan ning dakbayan sa Gensan ayha ang pagsugat sa bag-ong tuig. Kini ang gibutyag ni Jong Facurib, presidente sa General Santos City Government Employees Association kon GSCGEA.
Sumala niya nga Disyembre 21 pa dihang na-aprubahan sa hawanan sa konseho ang maong financial assistance gikan sa personnel services nga wala magamit sa tibuok tuig alang sa mga naghupot ug plantilla position, co-terminos, elected officials, casual ug mga regular nga mga empleyado apan walay apil niini ang mga job order.
Dugang pamahayag ni Facurib nga ang maong kantidad ang magsilbing tabang pinansyal ngadto sa mga empleyado gumikan sa inflatation rate nga nasinatian.
