Igalunsar subong nga adlaw sang Biyernes sang Iloilo Dinagyang Foundation, Incorporated ukon IDFI ang ika-50 nga Dinagyang Festival.
Angut sini, gina-imbitar sang IDFI ang mga Ilonggo nga saksihan ang grand launching nga hiwaton sa SM City Activity Center karon sa hapon.
Ginpahayag ni Alex Somcio, Program Director sang Grand Launching nga bangud Golden Anniversary sang Dinagyang, hiwaton sa SM city ang launching sini kag ang pag-pirmahanay sang MOA sa tunga sang City Government kag IDFI sa baylo nga sa Penthouse sang Iloilo City hall.
Ginalauman nga maga-perform sa hiwaton nga launching ang Irong-irong dance company, ang defending champion sang Dinagyang ati-ti competition nga Tribu salognon kag ang Mascot dang Dinagyang festival nga si Dagoy.
Magluwas diri, dugang man nga atraksyon ang pagrampa sang lima ka warriors sang kada tribu nga magasuksok sang ila mga costumes nga gingamit sang tinalikdan nga mga Dinagyang Festival.
Kadungan sang launching, iga-unveil man ang 50th logo sang Dinagyang Festival.
Ang 50th Dinagyang Festival natalana nga hiwaton sa maabot nga Enero 26 tubtob 28, 2018.(sspunay)
