South Cotabato – patay ang usa ka 51 anyos nga lalaki human gitigbas sa usa ka suspetsado atubangan sa internet cafe sa public market sa Barangay Concepcion, Koronadal City alas-7:00 kagabi, niadtong nakalabayng adlaw.
Ang biktima nailhang si Leonardo Feñola Castroverde, 51, minyo ug residente sa Barangay Conception.
Giila ang suspek nga si Alfie Alcano Tulabing, 38, residente sa Purok Quezon, Barangay Concepcion.
Subay sa inisyal nga imbestigasyon nasuta nga nag inum ang biktimang si Castroverde uban ang tulo niya ka amigo sa maerkado publiko sa maong barangay. Kalit lang miabot ang suspek sa suspek dayon gitigbas ang biktima duha ka higayon igo sa iyang tangkugo.
Paspas nga misibat ang suspek human sa insidenti samtang ang biktima gidala gilayon sa ospital apan alas 8:30 ang takna sa gabie nga dihang nakabsan ug kinabuhi ang nahisgutan biktima.
Daang bingkil ang usa sa mga gitudlong hinungdan sa pagpanigbas. Sa kasamtangan padayong gipangita sa otoridad ang suspetsadong responsabli sa krimen.
