Patay ang isa ka persona sa nagluntad nga pagpanglabo sa Sitio Elnama, Polonoling, Tupi, South Cotabato, alas 6:23 kagab-i, Marso 18, 2021.
Ginkilala ang biktima kay Willie Tagle, 51-anyos, single, mangunguma kag residente sang Bo. 7, Koronadal City. Samtang ang suspek ang ginkilala naman kay France Dave Galgo Lobaton, 18 –anyos, single, jobless kag residente sang Sitio Elnama, Barangay Polonuling, Tupi, South Cotabato.
Sa imbestigasyon sang Tupi MPS ang biktima kag suspek ang nagainom-inom sang may wala pag-intiendihanay nga nagluntad rason sa pagkuha sang suspek sang “binakoko” sa balay sang iya nga lolo kag ginlabo sang makapila ka bes ang biktima.
Nakaangkon sang pilas ang bikima sa iya nga leog, ulo kag iban pa nga parte sang iya nga lawas nga nangin tunaan sang iya sini hinali nga kamatayon.
Tigayon naman nga naaresto ang suspek kag yara na sa kustodiya sang Tupi MPS.
