General Santos City–Kasong pagsupak sa Presidential Decree 519 ang gipasang-at sa Police Station 8 ngadto sa driver ug 3 ka mga kaubanan niini kansa maoy nagdala sa bonggo truck nga dunay kargang 52 ka unit sa Tolendoy kon slot machine kansa una nang naharang sa checkpoint sa Tinagacan Police Station.
Gisikop ang driver nga si Elpidio Caypilan ug tulo pa ka kaubanan niini nga silang si Jesse Fretz Cumainkin, Jonard Ybero, ug Noven Rey Apatan.
Subay sa report sa Police Station 8 nasuta nga ang maong truck gikan sa syudad sa Digos ug padulong unta sa Gensan apan wala sila makalahos human nga naharang alas 11:00 sa gabie niadtong sabado.
Subay usab sa pahayag sa Driver sa truck nga igo ra silang giarkilahan ug P2,000.00 diin gikatakda unta nilang ihatod ang maong mga slot machine sa balay ni Mayde Fuentes nga taga Barangay Fatima, Gensan.
Sa karon ang maong mga slot Machine nagpabilin sa kustudiya sa Police Station 8.
