53 anyos gipusil sa mga bandido-angol

Sarangani Province—Samdan ang usa ka Glupalco Clubao, 53 anyos, residenti sa Kinam, Malapatan, Sarangani Province human kining gipusil sa miyembro sa mga Bandido samtang siya naligo sa sapa didto sa ilang lugar alas 7:00 ang takna sa buntag niadtong adlawng Domingo.

Matud sa biktima atol sa pakighinabi sa RMN Gensan News Team, samtang siya naligo kalit lang kining gipusil sa upat ka mga suspek dayon sibat sa lugar. Samtang gitabangan usab sa iyang mga kabanay ang biktima nga madala sa Ospital apan tungod sa kalayo, kagabie ra kini nakaabot sa Dr. Jorge Royeca Hospital.

Dugang pa sa biktima nga kanunay silang ginahasi sa mga bandido sa ilang lugar gani ginapanguha matud pa ang ilang mga kahayupan.


Hinuon human sa nahitabo kaniya, naghimo ug aksyon ang ilang mga opisyal sa Barangay Aron nga maundang na ang pagpanghasi sa mga suspetsado ngadto sa mga residenti sa ilang lugar.

Facebook Comments