General Santos City—Luwas na sa makuyaw nga kahimtang ang biktimang si Graciano Helbero, nga taga Changco, Bawing, Gensan, kansa gitigbas sa iyang kaila nga giilang si Alias Plong-plong human nga naglalis gumikan lang sa away sa motorsiklo.
Sumala sa biktima nga human siyang naatiman sa mga doctor sa Dr. Jorge Royeca Hospital okey na karon ang iyang kahimtang.
Samtang gisaysay usab sa biktima ang tinubdan sa away niini ug sa suspek. Matud niya nga nagsugod ra gyud sa motorsiklo niya nga gihulman sa suspek maoy hinungdan sa ilang bangi.
Gihulman matud pa sa suspek ang motorsiklo sa biktima gumikan duna kini giadtuan apan pag balik sa motorsiklo nahurot na ang gasolina maong iyang gisita ang suspek. Naglalis pa ang mga nasampit hangtud nga miuli ang suspetsado ug pagbalik niini duna na kini duha ka kaubanan dayon siya gisulod sa balay ug gitigbas.
Nakaangkon kini ug mga samad sa lawas kung asa paspas kining gidala sa ospital. Samtang suspek nakasibat.
Sa karon plano sa biktima nga pasakaan ug kaso ang suspetsado human sa iyang gihimo ngadto kaniya.
