General Santos City—Samdan sa iyang tiyan nga bahin ang usa ka 53 anyos nga si Alex Tacdol, residenti sa FVR Vill., Barangay Fatima, Gensan human kining gipusil sa wala mailhing suspek ala 1:00 ang takna sa kaadlawon sulod mismo sa ilang panimalay.
Subay sa initial nga imbistigasyon sa Police Station 7, nahinanok ug katulog ang biktima uban sa iyang pamilya sulod mismo sa ilang panimalay, misulod ang suspek dayon gipusil ang nasampit igo sa iyang tyan nga bahin.
Paspas usab nga misibat ang suspek sa wala masayring lugar, samtang ang biktima gidala dayon sa ospital.
Sa karon blangko pa ang kapulisan sa motibo sa krimen, bisan ang pamilya niini blangko usab sa posibleng hinungdan sa pagpamusil.
Facebook Comments
