General Santos City—Samdan ang usa ka 53 anyos nga karpentero human nga nadunggaban sa iyang kainum sa may New Society, Barangay Apopong Gensan kagabie.
Biktima giilang si Esmael Guanzon, 53, residenti sa maong lugar, samtang suspek giilang si Peter Fuentes, silingan ra sa biktima.
Subay sa inisyal nga imbistigasyon sa kapulisan nasuta nga nag-inum ang biktima ug ang suspek didto sa ilang lugar apan dihang nangahubog, didto na naglalis ang mga nasangpit.
Mikuha ug kutsilyo ang suspek dayon gideretso ug luba ang biktima igo sa iyang tyan nga bahin. Paspas nga gidala sa ospital ang biktima samtang ang suspek buluntaryong misurender sa buhatan sa Police Station 2.
Facebook Comments
