53rd Charter Anniversary sang Bago City ginbuksan na paagi sa Agro-industrial Tradefair

78

BAGO CITY – Nagbukas na kahapon sang hapon, Pebrero 12 ang Agro-industrial Tradefair sa Bantayan Park bilang kabahin sang ika-53 nga Charter Anniversary sang syudad kag Babaylan Festival.

24 ka mga kabarangayan ang nagpasakop sa sining kahiwatan kag ang dinapit nga bisita amo mismo si Gobernador Alfredo Marañon Jr.


Ginpahayag ni Mayor Nicholas Yulo nga pagatutukan sang syudad ang agrikultura sa isa ka semana nga kahiwatan sang Charter Anniversary bangud isa ka agricultural city ang Bago.

Mga 90 porsyento sa mga pumuluyo ang nagapangabuhi sa panguma kag ginakabig man ini nga rice granary sang Negros Occidental.

Kagab i, gindagsa naman sang linibo ka mga tumalan-aw ang free concert ni Moira De la torre sa Bantayan Park kag ini panugod pa gid lamang sang madamo pa nga mga aktibidades sa syudad.

Ang highlights sini pagahiwaton sa Pebrero 19 kun sa diin masaksihan ang Street kag Arena Dance Competion sang Babaylan Festival kag free concert sang Aeges pagkagab-i./Grace Supe

Facebook Comments

From Advertisers