General Santos City—Kritikal ang kondisyon sa biktimang si Joe Saliang, 55 anyos, residenti sa Purok Calipagan, Barangay Masgan, Glan, Sarangani province human gipusil sa wala nganling suspek.
Sumala sa anak sa biktima nga si Basar, gikan nitambong sa ika 40 ka adlaw nga pagkamatay sa ilang kaila ang iyang amahan alas 11:00 ang takna sa gabie dihang pauli na kini apan kalit kining gipusil sa suspek igo sa iyang tyan nga milapos sa iyang likod nga bahin.
Misibat ang suspek sa krimen samtang ang biktima gidala sa Dr. Jorge Royeca Hospital dinhi sa Gensan.
Sa pakighinabi as RMN Gensan sa anak sa biktima iyang gibutyag nga duna na silay gidudahan nga suspek sa maong krimen.
Facebook Comments
