Tupi, South Cotabato–Patay ang usa ka biktima, human kining nabanggaan sa sakyanan sa National Highway, sa Prk. 1, Brgy. Palian, Tupi, South Cotabato, alas 8:30 sa gabie. Giila ang biktima nga si Lovidino Torres Aguillon, 55 –anyos ug residente sa moang lugar.
Nahilambigit sa disgrasya sa kadalanan mao ang usa ka Toyota Hi-ace van nga gimanehuan ni Randy Dela Cruz Ganayo, 43 –anyos, ug residente sa Prk. Gumoco, Brgy. Griño, Tacurong City, Sultan Kudarat, ug usa ka Toyota Hilux pick-up truck nga gimanehuan ni Jemmar Lamad Bayaton , 32 –anyos ug residente sa Prk. 5, New Katipunan, Santo Tomas, Davao Del Norte.
Migawas sa imbestigasyon nga kalit matud pang mitabok sa kalsada ang biktima, gilikayan kini sa driver sa hi-ace van apan aksidente gihapon niining naside swipe ang biktima hinungdan nga kini natumba. Sakto usab niagi ang Toyota hilux ug nabanggaan ang 55 anyos.
Nakaangkon ug grabeng samad ang biktima nga hinungdan sa iyang hinanaling kamatayon. Buluntaryo usab nga misurender sa 1st South Cotabato Provincial Mobile Force Company ang mga driver sa duha ka mga sakyanan nga nahilambigit sa maong disgrasya. Sa karon gihuwat nalang sa kapulisan ang desisyon sa pamilya sa biktima kung ila bang pasakaan ug kaso ang duha ka driver o aregluhon na lamang ang kaso.
