General Santos City–Mokabat pa lang sa 55 ka mga specimen ang napa-ilalom sa test sa molecular laboratory sa Doctor Jorge P. Royeca Hospital sugod niadtong adlaw nga Huwebes, Setyembre 17.
Sumala kang Dr. Ryan Aplicador, Hospital Chief sa DJPRH nga ilahang gilauman nga makab-ot ang 25 ka test matag adlaw. Pag-angkon niya nga sa karon naga-tuon pa gyud ang mga Medtech kabahin niini hilabina nga pila pa lang ka-adlaw nag-operate ang maong laboratoryo.
Saysay niya nga medyo hinay gyud ang ginahimo nga testing apan matag adlaw adunay gina-test.
Pagpaklaro ni Dr. Aplicador nga ang naunang mga nadugang sa covid sa dakbayan ang gikan pa sa SPMC kung asa nila gi-submitar ang mga specimen. Dugang niini nga tingob ang pag-submit sa mga specimen rason nga tingob usab ang paggawas sa resulta rason nga dinaghan ang nagapositibo.
Apan ang ginahimo matud pa nga test sa Dr. Jorge Royeca ang makonsidera nga real time tungod matag adlaw man ang ginahimo nga swab testing ug dili na kinahanglan pa nga i-tingob rason nga dili ingon ka daghan ang mga resulta.(LVR)
