56-anyos nga mangunguma naghikog sa Norala. South Cotabato.

30

Nasapwan nga nagabitay na lamang sa puno sang kahoy ang isa ka mangunguma sa Purok Bangkal, Barangay Tinago, Norala, South Cotabato kahapon nga adlaw, Oktubre 27, 2020.
Ginkilala ang biktima kay Wanan Manambing Mangkong, 56 –anyos , residente sang nasambit nga lugar.
Sa imbestigasyon sang Norala MPS alas 7 sang aga sang Oktubre 25, 2020 nagpadulong ang biktima sa iya nga talamnan, apang wala na ini nakapauli.
Apang alas 9:00 sang gab-i sang Oktubre 26 ang biktima ang nakit-an na lamang sang iya kaingod nga nagabitay sa puno sang kahoy gamit ang nylon rope nga ginhigot sa iya leog kag wala na nagaginhawa.
Ginapatihan naman nga tungod sa mental health condition sang biktima ang rason sa paghikog sini matapos nga nangin emosyonal suno pa ini.
Wala naman sang nakit-an nga foul play sa kamatayon sang nasambit nga persona.

Facebook Comments