Yara sa 56 ka mga health workers sa South Cotabato ang ginpaidalom na sa Reverse transcription polymerase chain reaction (RT-PCR) nga kadam-an sa mga ini ang sa COVID center facility sa Socsargen General Hospital nga direkta nga nag-asikaso sa mga nagpositibo sa COVID-19, RHU`s kag mga private hospital.
Samtang base sa resulta sang RT-PCR test suno kay Provincial Epidemiology Surveillance Unit Officer Celia Lorenzo lunsay naman ang mga ini negatibo sa COVID-19.
Ginpahayag niya man nga lakip sa ginapaidalom sa RT-PCR test ang iban pa nga frontliners kapareho sang Bureau of Fire, PDRRMO, drivers sang mga van kag bus sa tion nga may nagpositibo sa mga nag-abot nga locally stranded individual kag returning OFW sa probinsya.
Dugang pa ni Lorenzo nga ginatinguhaan gid nga wala sang mga health workers ukon mga frontliners sa probinsya ang magpositibo sa COVID-19.
