57 anyos nga nagpayuhot sa ginadiling droga dakpan sa buy bust operation

24

Pagadian City – Gikatakdang pasakaan ug kasong paglapas sa R.A 9165 o mas nailang “Comprehensive Dangerous Drugs Act of 2002” karong adlawa ang usa ka suspetsado kinsa nagpositibo sa pagpayuhot sa ginadiling droga sa gipahigayong anti-illegal drug buy bust operation sa Zone 3, Tiguma, Pagadian City alas 9:30 kagabie.
Giila sa kapulisan ang dinakpan nga si Alexander Benolirao Gaosil a.k.a. “Alex”, 57 anyos, minyo ug residente sa New Tudela, San Pedro District, Pagadian City.
Nakumpiska gikan kang Gaosil ang 5 ka pakete sa gitoohang shabu, 500 pesos nga marked money, usa ka cellphone, ug ang usa ka single motor Honda Wave-R 110.
.Kasamtangang gipaslak karon sa Pagadian CPS lock-up ang dinakpan ug naghulat sa mando gikan sa Korte.

Facebook Comments