General Santos City— Mukabat sa 58 ka mga most wanted person ug 160 ka mga regular nga mga wanted sa rehiyon 12 ang naaresto sa kapulisan sulod lang sa 34 kaadlaw gikan sa Enero 5 ngadto na Pebrero 8 ning kasamtangang tuig.
Ang maong datus ang gikan sa Regional Investigation And Detection Management Division 12.
Sumala pa nga gikan sa unom ka mga Police Provincial ug City Offices sa rehiyon, ang South Cotabato Police Provincial Office ang may pinakataas nga ihap sa mga naarestong anaa sa top 10 most wanted nga mukabat sa 17.
Gisundan kini sa Sultan Kudarat Police Provincial Office ug Cotabato Police Provincial Office ang adunay napulo nga naaresto samtang ang Sarangani Police Provincial Office adunay walo, Gensan City Police Office adunay 7 samtang ang Cotabato City Police Office adunay unom.
Sagad sa mga anaa sa top 10 nga most wanted ang adunay kasong murder, lambigit sa illegal nga droga, robbery, homicide, theft, ug uban pa. Samtang ang mga regular nga mga wanted ang tungod sa mga dili kaayo bug-at nga mga kaso.
Sumala kang Police Chief Superintendent Marcelo Morales, Regional Director sa Police Regional Office 12 nga ang maong ihap sa mga naaresto ang tungod sa mas gipakusgang implementasyon sa oplan manhunt charlie batok sa mga wanted persons sa rehiyon isip suporta sa mga naunang pamahayag ni Presidente Rodrigo Duterte. (PRO12)
