Bago mag alas-9:30 ngayong umaga, dumating sa Ninoy Aquino International Airport (NAIA) Terminal 1 ang 582,500 doses ng AstraZeneca vaccine sakay ng eroplano ng China Airlines.
Bahagi ito ng halos 5 million doses ng COVID-19 vaccines na darating sa bansa ngayong katapusan ng linggo.
Ang mga naturang bakuna ay binili ng Go Negosyo sa pangunguna ng kanilang founder na si Jose Concepcion.
Kagabi, 3 million doses ng Sinovac vaccine mula China ang dumating sa bansa kung saan ito’y bahagi pa rin ng binili ng pamahalaan ng Pilipinas sa China.
Bukas naman ay 1 million doses ng Sinovac vaccine ang darating sa NAIA 2 sakay naman ng Philippine Airlines (PAL).
Facebook Comments
