General santos City—sikop sa tropa sa Police Station 7 ang usa ka 59 anyos kansa may kasong murder sa area sa Purok Buan, Barangay Sinawal ning dakbayan.
Suspek giilang si Julie Buan, 59, residenti sa nasangpit nga lugar. Basi sa tala sa Police Station 7, nasuta nga alas 9:30 ang takna sa buntag kagahapong adlawa, gipahigayon ang operasyon batok sa suspek didto mismo sa iyang panimalay.
Wala na makapalag ang suspek human gipresentar kaniya ang warrant of arrest sa kasong murder nga una nang gipagula sa RTC Branch 55 nga may criminal case no. 1729317.
Sa kasamtangan ang suspek balhog na sa silda sa Fatima Police Station ug commitment order nalang ang gihuwat aron nga mabalhin na kini sa Gensan City Reformatory Center.
Facebook Comments
