Palo, LEYTE – Sobra libo an nag-apply kumo pulis para ha 1st Cycle 2018 Recruitement Regular Quota pero 600 la an nakapasar ha proseso.
Nakapagtake-oath na kanina ha Police Regional Office 8 an 599 nga PNP Applicants, kulang hin usa nga aplikante kay naaksidente ini samtang tipakadto na ha Camp Kangleon.
Matapos an take oath, ipapailarom hira ha Public Safety Basic Recruit Course (PSBRC) ha sakob han unom kabulan ha Regional Training Center (RTC) ha Kuta Kankabato, San Jose, Tacloban City.
Abiso naman ni PNP Region 8 Director Pcsupt. Dionardo Carlos ha mga kapulisan nga mag-aghat pa hin mas damo nga aplikante para ha. 2nd Cycle Recruitment.
“Tayong nasa police service, let us encourage qualified applicants/aspirants to join the PNP force. Let us equip our region with uniformed personnel whom we can work hand in hand for our government and the police.” Siring ni RD Carlos.
