5K financial assistance para ha Yolanda survivors, gintikangan na panhatag

1001

Natagan na kanina hin P5000.00 Presidential Financial Assistance tikang ha gobyerno an tutulo nga barangay ha Basey, Samar, ini an Brgy. Salvacion, San Agustin ngan Sugka kun diin hira ngatanan nga 206 katawo in pumakadto ha DSWD Regional Office.

Cash ini nga panhatag han DSWD ngadto han waray magpakakarawat han Emergency Shelter Assistance o kun ESA.


Nagpitisyon man gud an People Surge Organization ha gobyerno nga may pinili ngan diri sadang an panhatag han DSWD hin ESA dida han matapos an Super typhoon Yolanda. Sanglit naghimo hin listahan an mao nga organisasyon nga matatagan hin ayuda adton waray magpakakarawat han ESA.

Sumala kan Joel Ramos DSWD focal person for disaster, ginklaro niya nga an matatagan la hini an waray may nakarawat nga bis ano nga hinabang tikang ha gobyerno matapos an Yolanda.

Base ha datos han DSWD, tapos na matagi an Syudad han Tacloban kun diin 211 households an nakatagamtam han ayuda.

3,357 households pala an natatagan ha bug-os nga rehiyon, mayada pa 37,802 nga pamilya an makakakarawat han singko mil.

Pagklaro han DSWD, nga an nag uukoy na yana han pabalay han gobyerno in diri na cover han financial assistance

“An nag uukoy nah an pabalay in diri na pwede makakakarawat pero an aadto pa ha ira temporary shelter in posible nga maka avail han 5k.”

Tapos na makatagamtam an Probinsya han Northern ngan Eastern Samar.
1 billion pesos an nakaalotaga nga pondo tikang ha Socio Civic Project Fund han Office of the President para han mga nabiktima han Yolanda.

Naglikay naman an DSWD nga tagan kami hin datos kun ano-ano pa nga lugar ha rehiyon an matatagan han mao nga ayuda kay cofindential daw ini.

Facebook Comments

From Advertisers