5milyon nga balor sang shabu nakuha sa mga suspek

Nagdangat sa kapin sa 5 million pesos nga balor sang suspected shabu ang natigayon nga ma-recover sa apat ka mga suspek sa ginpatigayon nga buybust operation may mga las 3:45 sini gid lamang nga kaagahon sa Regent Pearl Subdivision, Brgy. Alijis, Bacolod City.

Nakilala ang mga suspek nga sanday Ryan Benemile, , Alberto Patera Jr., Wegene Bagcal, lunsay pumuluyo sang Bacolod City kag si Chris John Esmedja, tumandok sang La Carlota City.

Suno kay Police Station 3 commander, Police Major Ruel Culanag, nakuha sa mga suspek ang kapin 81 ka bulto sang suspected shabu nga ginabulubanta nagabug-at sang kapin sa 405 ka gramos.


Samtang hugot naman nga ginapanginwala sang isa sa mga suspek nga si Esmedja nga may kahilabtanan siya sa pagbaligya sang druga apesar iya gin-ako nga naga-gamit gid man ini sang shabu sadto.

Iya ginsiling nga indi niya kilala ang tatlo ka iban pa nga mga suspek kag indi sila magka-upod nga gindakup.

[image: image.png]

Facebook Comments