Mag-uuma sa Marilog gipusil-patay

50

Davao City – Padayon karon ang gihimong imbestigayon sa pagpusil-patay sa usa ka mag-uuma sa Marilog ning dakbayan sa Davao.

Sa interbyu sa DXDC RMN Davao kang Police Corporal Alvic Rocamora sa Marilog PNP, giila niini ang biktima nga si Jerry Bernades Roflo, 40-anyos taga Sitio Sto. Niño, Marilog, Davao City.


Saysay ni Rocamora nga nga alas-7 kagahapon sa buntag, July 17, 2019 sa dihang human nga naghatud ang biktima sa iyang anak sa eskwelahan sa Upper Tamugan, Marilog sa dihang kalit na lamang kining giduol sa wala mailhing suspek ug gipusil ang biktima sa lima ka higayon atubangan sa mismong eskwelahan.

“Paghuman niya og hatud sa iyang anak, nakasakay pa siya sa iyang motor, gipusil na siya diretso, five times,” saysay ni Rocamora.

Paspas usab nga misibat ang suspek ngadyo sa wala matinong direksyon human sa insidente.

Sa pagkakaron, blangko pa ang kapulisan sa motibo sa krimen samtang nakipagkoordinar na usab ang asawa sa bitkima aron mapadali ang ginahimong imbestigasyon ug paggukod sa suspek.

RadyoMaN Kirby Manzon

Facebook Comments

From Advertisers