5S, gipatuman sa DOH aron batukan ang dengue

32

Gihimo na karon sa Department of Health kon DOH region ten nga 5S ang ilang kampanya batok sa sakit nga dengue.

 

Kini ang pahayag  ni Doc. David Mendoza- ang OIC Regional Director sa DOH ten.


 

Matud ni Doc. Mendoza nga gihimo nila nga 5S tungod kay angay hingusgan ang ‘’sustained hydratrion’’ o kining paghatag sa tubig sa tawo nga adunay sakit.

 

Dugang pa ni Doc. Mendoza nga pinaagi niini, iyang giaghat ang mga rural health units, ug local nga kagamhanan nga adunay mga health center,  nga magbutang og hydration station tungod kay usa kini sa mga pamaagi nga dili mapuno deretso ang mga hospital ning syudad.

 

Samtang ang sakit nga dengue, susama matud pa sa sakit nga suka ug kalibang.

 

Matud ni Doctor David Mendoza sa Department of Health region 10, nga mohawa ang tubig sa lawas hinungdan nga ma-dehydrate ang usa  ka tawo.

 

Dugang pa niini, nga kung pila ka baso sa tubig ang gipagawas sa lawas kung magkalibanga, mao usab kini ang gidaghanun sa tubig nga kinahanglan imnun sa tawo.

 

Apan kung dengue ang hisgutan, dili ang gidaghanun sa tubig ang tan awon kondili ang pagsustain sa dehydration, aron mosaka ang fluid sa lawas.

 

Nasayran nga kasagaran sa nakita karon sa DOH basi sa record sa mga hospital nga mamatay ang tawo kung aduna nay renal failure.

 

Tungod kay walay specific nga tambal alang sa dengue, hinungdan nga giaghat karon sa Department of Health kon DOH ang tanan nga moinum og tubig.

 

Matud sa DOH10- ang tubig ang matawag nga supportive treatment o supportive management.

 

Dugang pa sa DOH 10 nga adunay upat ka klase ang dengue, busa possible nga matapdan ang tawo sa maong sakit kaupat sa iyang kinabuhi.

Facebook Comments

From Advertisers