Temporaryo nga nagpasilong karon sa covered court sa Barangay Lapasan ang mga biktima sa sunog niadtong Martes.
Basi sa record sa barangay nga mokabat sa 11 ka balay ang totally burned, upat ang sharer ug upat ka renter nga mosuma total sa 73 ka indibidwal.
Sa covered court na usab gihaya ang menor de edad nga naapil sa sunog nga si ‘’Kaykay’’ kinsa sa ilang balay nagsugod ang kalayo.
Samtang, nahatagan na sa mga paunang hinabang ang mga biktima sa sunog sa Barangay Lapasan.
Matud ni Emma Pimentel ang Barangay record keeper nga nakahatag na ang City Social Welfare and Development kon CSWD og mga banig sa mga biktima.
Apan matud ni Pimentel nga nanawagan karon ang mga biktima nga kung mahimo matagaan sila og underwear ug matagaan og school supply ang mga bata.
