Davao City – Walay natala nga damyos sa nahitabong 6.6 magnitude nga linog sa Governor Generoso, Davao Oriental alas-4:50 kagahapong adlawa (June 4, 2020).
Sa interbyu sa DXDC RMN Davao kang Angie Lina Payosalan, Spokesperson sa Office of the Civil Defense (OCD)-XI, gibutyag niini nga bisan og kusog ang reported magnitude, intensity 2 lamang ang natala sa lugar rason nga walay damyos nga nahitabo.
Nasayran nga nagbaton og 134 kilometers nga gilawmon ang linog diin wala usay tsunami alert nga gipagawas ang otoridad.
“No reported damages po tayo. Pero intensity baba lang siya,” saysay ni Payosalan.
Panawagan sa OCD official nga magmaigmat ug mag-andam kanunay batok sa kalamidad sama sa linog gawas sa pagpangandam karon sa katawhan batok sa Coronavirus Disease 2019 (COVID-19).
RadyoMaN Kirby Manzon
