Yara na sa paghinakop sang Department of Social Welfare and Development (DSWD) ang 6-anyos nga babaye matapos gin-alegar ginahimuslan sang iya kaugalingon nga tiyo sa Sitio Hayahay, Brgy. San Jose, Sipalay City.
Priso naman karun sa Sipalay City Police Station ang 23-anyos nga suspek nga tiyo sang biktima kag nagapangatubang sang kaso nga sexual assault in relation to RA 7610 ukon “Special Protection of Children Against Abuse, Exploitation and Discrimination Act.”
Sa interview sang DYHB sa hepe sang Sipalay CPS nga si Lt. Colonel Necerato Sabando, las-2:00 sang hapon, Agosto 14, 2020 sang nagluntad ang krimen sa diin samtang nagapamahog sang baboy ang iloy sang biktima, ini ang gindala sang iya tiyo sa sulod sang ila balay kag ginhimuslan.
Nagaguwa naman sa imbestigasyon kag medical findings nga makapila na ka beses nga ginhimuslan sang suspek ang iya hinablos.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
