Kaso sang covid-19 sa Western Visayas nadugangan sang 93, 52 ang halin sa syudad sang Bacolod kag 17 halin sa Negros Occidental

25

Nadugangan sang 52 ang kaso sang COVID-19 sa syudad sang Bacolod samtang 17 naman sa probinsya sang Negros Occidental subong nga adlaw, Agosto 19.

Base sa Case Bulletin No. 145 sang Department of Health Western Visayas, 93 ang nagdugang nga kaso sa bilog nga rehiyon subong nga adlaw.


Sa record, 91 ang local cases kag tig-isa sa authorized person outside residence (APOR) kag locally stranded individual (LSI).

Ang probinsya sang Iloilo ang may 12 ka bag-o nga kaso, siyam sa syudad sang Iloilo, duha sa Antique kag isa sa Capiz.

Sa kabilugan, nagsaka na sa 3,074 ang total cases kag 1,638 ang active cases sa bug-os nga rehiyon.

Nadugangan naman sang 117 ang naka recover rasun nga nagsaka na sa 1,390 ang total recoveries.




Nagsaka naman sa 46 ang total reported deaths matapos nga nagdugangan sang apat nga napatay. Sa apat nga napatay, isa ang taga-Negros Occidental, isa ka taga Bacolod kag duha ang taga syudad sang Iloilo.

Sa 1,009 nga lab results nga gin-release subong nga adlaw, 93 ang positibo, siyam ang repeat test nga positive samtang 907 ang negative.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments