BACOLOD CITY – Ginkastigo sang tiyo ang iya hinbalos kagab-i sa Brgy. Banago, ciudad sang Bacolod.
Ang biktima isa ka 6-anyos nga bata nga lalaki kag pumuluyo sang Purok Langis, Brgy. Banago.
Suno sa amay sang biktima nga may mga las 7 kagab-i nag-abot ang tiyo nga suspek sa ila balay kag sa wala mahibaluan nga rason, iya na gid lamang ginkastigo ang amo nga bata.
Bangud sini, nag-angkon sang pilas sa iya baba ang biktima subong man sa iya sag-ang kag naglagub pa gid ang iya guya.
Pahayag sang amay sang biktima nga ang suspek ang utod sang iya asawa kag wala diri gintumod kon bala ano ang rason nga iya ginkastigo ang iya hinablos.
Ang biktima gindala sa Corazon Locsin Montelibano Memorial Regional Hospital./dyHB BACOLOD
Facebook Comments
