CADIZ CITY, NEGROS OCCIDENTAL – Lalaki nga nagpangayo cellphone number sang isa ka chicks, ginbuno sang boyfriend sang amo nga babayi kahapon sang hapon sa ciudad sang Cadiz.
Nakilala ang biktima nga si Eddie Rico, 21 anyos ang edad, soltero kag pumuluyo sang Purok 1, Brgy. Tinampaan, Cadiz City.
Suno sa biktima nga may mga la una kahapon sang hapon sa isa ka lugar sa city proper sang Cadiz, ini siya ang nagpalapit sa isa ka babayi kag ginpangayuan niya ini sang cellphone number.
Apang lipud sa ihibalo sang lalaki nga may boyfriend gali ang amo nga babayi nga yara man lamang sa amo nga area.
Nakibot ang biktima sang ginpalapitan siya sang nobyo sang babayi kag hinali na lamang nga ginbuno.
Naigo sa iya idalum nga dughan ang biktima gani dali-dali ini nga gindala sa Corazon Locsin Montelibano Memorial Regional Hospital./dyHB BACOLOD
