6 anyos patay human mabangga-an

29

Patay ang 6 anyos nga batang lalaki human kini nabangga-an sa usa ka sakyanan  bandang alas 3:20 ang takna sa hapon kagahapong adlawa.

Biktima nailang si Muhammad Mosni Ganda Wali Currie, molupyo sa Purok 7 Luinab Bahayan, ning dakbayan sa Iligan.


Base sa blotter sa Police Station 1, nga samtang naglakaw ang maong bata, kalit lang kini mitabok sa crossing, ug na timing nga dunay miagi nga Mitsubishi nga sakyanan nagdala sa plaka numero GHH 722  nga gimaneho ni  Kim Gungob Andrin, 22 anyos, single nga taga Purok 4 Upper Luinab sakop ning dakbayan.

Gumikan sa kakusog sa impact sa maong pagbangga, naka angkon ug kadaot sa ulo ang maong  menor de edad hinungdan sa iyang hinanali nga kamatayon.

Ang driver sa sakyanan  misuway  sa pag ikyas apan na intercept kini sa may Purok 7 sa nahisgutang  lugar.

Detinado karon sa Police Station 1 ang maong driver ug posibleng mag atubang sa kasong reckless imprudence resulting to homicide.

Facebook Comments

From Advertisers