Mga opisyal sang IFFI nagsumpa na

92

SYUDAD sang Iloilo – Ginpasumpa ni mayor Jerry Treñas ang mga opisyal sang bag-o lang gintukod nga Iloilo Festivals Foundation Inc. (IFFI).

Ang IFFI amo ang partner sang Iloilo city government sa pagmanage sang mga tourism kag cultural celebrations sang syudad.


Ginpangunahan sang negosyante nga si Rito Carlos Judge Peña bilang chairman kag Felipe Uygongco bilang vice chairman ang IFFI.

President naman si Philippine Chamber of Commerce and Industry Iloilo chapter Atty. Jobert Peñaflorida.

Ang iban pa nga mga opisyal amo sanday John B. Lacson Foundation Maritime University (JBLFMU) Chief Executive Officer Dr. Ronald Raymond Sebastian bilang IFFI Vice President, Angel de Leon, Jr., bilang Corporate Secretary samtang si Roland Uy amo ang Treasurer; kag si Ivy Gurrea ang Assistant Treasurer.

Samtang ang mga board of directors amo sanday Philipp Chua, Honorato Espinosa, Rogelio Florete, Sr., Molly Grande, Jose Marie Layson, John Alexander Que, Allan Ryan Tan, kag Luis Tinsay.

Suno kay IFFI president Atty. Jobert Peñaflorida nagaconduct sila sang konsultasyon sa iban nga sektor angut sa staging sang 2020 dinagyang festival.//via Joel Franco reports

Facebook Comments

From Advertisers